بحث هذه المدونة الإلكترونية

2013/01/28




على كندا المحبوب ودّيني


عم ينتشر اليوم على صفحات التقاطع الإجتماعي خبر بيقول : اللي بيحب يهاجر ع كندا من السوريين والسوريين حصرا المتواجدين في الخارج (بلا معنى ) وبالأخص الناس اللي كان وجودون بالخارج  بمعنى أفضل من وجودون بالخارج البلامعنى
وفي أرقام هواتف للإتصال ، ومو المهم لوين نروح ، المهم نروح المشوار
بذكر بأواخر التمانينات طلعت هيك قصة ، وبينما كنت مقتبلاً (ماشيا باتجاه الجنوب ) مع  جاري سعيد بعد أن تمكّنت فينا المتة وبالقرب من دكان السوق القديم ماسمعنالم غير هالأصوات وهالضجيج وكأنه يوم الحشر ، فسألني صديقي
- سامع متل أنا مو سامع 
- طبعاً 
- كأنّو في إن بالموضوع 
- لافي إن ولا أخواتها ولا كأن وبنات عمها
- شو في 
- المرحوم أبو ابراهيم ( الغاوي ) جايب فرقة الطبالي تتدرب منشان الباعود
- لسّا تلات شهور عالباعود يا زلمة 
-يمكن المرحوم ( الغاوي ) بعد الإنتقال ع الآخرة صار عزمو أقل من أول بدو يبلش بكير بالتدريب منشان يلحق عالعيد
وهيك وهيك صرنا أمام الطريق النازل لبيت المرحوم ، ومن حسن حظنا كانت الجوقة طالعة من البيت شي خمس ست طعش واحد
استبقناهم وسألناهم
- شو القصة .... شو في يا شباب
- أوف .. أوف ما بتعرفوا شو في وين عايشين
- والله ما منعرف شو في قاعدين من طي**** الضو عم نغب متة 
- خليكون بغب المتة أحسن ( عم يسخروا منّا الشباب ) 
- طلع الولي ( في ولي " مزار " ) 
- ولك ياعمّي  الناس رح توصل كندا وأنتو بعدكون هون
- وليش وكيف وصلوا كندا
- السفارة الكندية عم تطلب شباب للهجرة لكندا وصار ضرب كف بالهجرة والجوازات
  طلعنا ببعض أنا وصديقي المتخلف متلي اللي ما بيعرف هيك خبر ومتلهي بجامعتو متلي وبشرب المتة في أوقات الفراغ  وسأني
- شو رأيك بهالقصة معقول
- طبعا معقول طلّع  بهالمساطر 
- شايف شايف  بس شو بدها كندا تعمل بهيك مساطر
- ثيران تشباية منشان يحسنوا النسل
واتجه الصديق باتجاه ثيران التشباية وسألون :
أي ومين بدو يروح على كندا ، وكأنك عم تسمع فرقة أوركسترا ، وكلون سوا : نحنا
طلع فيّي مبتسماً مىْ شدقيه وناطر منّي الجواب وأنا طلّعت بالشباب اللي كان مافي بيناتون ولا وحد تجاوز الصف التاسع ومعظمهم من جيلنا وما حدا عندو شغل وقلت
- يالله  ... اتكلوا والله معكون يا شباب وموفقين . طلعوا فينا بسخرية وسألنا واحد 
- ليشر أنتو مو مفكرين تروحوا على كندا . قلتلو 
يا أخي طالما أنتو رح تروحو على كندا رح تصير كندا متل هون وهون متل كندا بالتوفيق يا شباب ولا تنسوا حدا هون




2012/06/26

أخلاقيات المهنة

كان يا ما كان في سالف العصر وما يزال والزمان وانقرض ولم يبقَ مثله الآن شيء يسمّى شرف المهنة ، ويحكى ويقال :
لمّا كان لمهنة اللصوصية من متعة في المغامرة وارتكاب الأخطار  وتغيّر الأحوال ، قرر  حنظلة أن يمتهن مهنة اللصوص وجوّابي الأفاق ، وبعد أن من نومه استفاق ، وتذكر ما سمع في السهرة الماضية من قصص اللصوص والعشاق ، اتكل على  الله وذهب باتجاه شيخ الكار ,  ليتلقَن أصول المهنة وأخلاقيّاتها وقوانينها , ويحصل على شهادة التخرج التي تتيح له ممارسة العمل
وباشر حنظلة دروسه بهمّة عالية , تحت إشراف مدرسه بمراقبة  دراجة أبي مسعود وصاحبها ,للوصول إلى أنسب الظروف لسرقتها , وبينما كانت شمس ذلك اليوم تودّع نهارها ، كان حنظلة يراقب مدخل البيت من على الشجرة أمام الباب ، وما هي إلاّ
لحظات حتى وصل أبو مسعود مسرعاً ، فترك الدّرّاجة أمام الباب  ودخل ، فتلقفته أم مسعود 
أم مسعود :اين الدراجة
أبو مسعود :عند الباب 
أم مسعود : عند الباب ؟؟!! أدخلها يارجل وماذا تفعل عند الباب ، هي الحيلة والفتيلة ربّما تعرضت للسرقة أدخلها يا رجل
أبو مسعود : تعرضت للسرقة ؟ ومن سيسرق كومة من الخرضة يا امرأة
واشتدّ الخناق بينها حتى  رمى عليها أبو مسعود اليمين بالطلاق إن سُرقت كومة الخرضة ، وصفق أبو مسعود باب الدار نكاية بأم مسعود .
صفق  حنظلة فرحاً ونظر باتجاه معلمه وتكشيرة النجاح تزين خدّيه , وما إن لمست رجلاه اللأرض إلاّ وكانت يداه تقبض على 
مقود الدّرّاجة محاولاً جرها ، ولكن يداً ما أمسكت به من الخلف وصاح به الإستاذ
الإستاذ : ماذا تفعل أيّها التلميذ المغفل ( وكان الإستاذ قد سمع الحوار بين الزوجين )
حنظلة : أنتهز  الفرصة وأسرق الدراجة استاذ
الإستاذ : ولكنّنا اتفقنا على سرقة الدراجة  !
حنظلة : وأنا أسرق الدراجة أستاذ لأنجح في الإمتحان
الإستاذ : اترك الدّرّاجة ... فقد رسبت في الإمتحان يا حنظلة
حنظلة : رسبت؟؟!! كيف رسبت
الإستاذ: للمهنة أخلاقياتها ككل المهن وقد خالفت أخلاقيات المهنة يا حنظلة
حنظلة : وكيف استاذ إنني لم أخالف القواعد والأصول 
الإستاذ : بلى لقد خالفتها ، فالإختبار يتضمّن سرقة الدراجة وأنت كنت ستسرق الدراجة وتطلق الزوجة . وللمهنة أخلاقياتها




2012/06/23




وحجار حفافيك
وجوه جدودي اللي عمّروا
وعاشو فيك 
من ميّت سنة
من ألف سنة
من أوّل الّدني
......
وحياتك وحياة المحبّة
شو بني ..عم أكبر
وتكبر بقلبي
وأيام اللي جايي فيها الشمس مخبّاية
وأنت الغني وأنت القوي 
أنت الدنّي

- الصورة بعدسة الفنان الصديق بسام عجايقي


2012/06/19

الغربان تستعد




ف : إن لي في تخويف الآخرين لذّة لا يُسبر غورها ، ولذا فأنا راض عن عملي ولا أملّه .
ج : في الصواب أجبتَ ، فإنه سبق لي أن عرفت هذه اللّذة بنفسي أيضاً .
ف : إنّك واهم يا هذا . فإن هذه اللّذة لا يعرف طعمها إلاّ من كان رأسه محشواً  بالقشّ مثلي .
هذا الحوار ذار بين أديبنا جبران خليل جبران وأحد الفزاعات التي صنعها البشر لإخافة الطيور
ترك جبران فزاعته  وهو لا يدري هل مدحته أم انتقصته ، كما يقول في قصته ، ويتابع
مضى عام صارت الفزاعة في أثنائه  فيلسوفاً وعلاّمة ، يقول جبران ، ويتابع :وعندما مررت به ثانية رأيت غرابين يبنيان عشهما تحت قبعته .

متى يصحو ممتهني التخويف والتقتيل والتكبيل والتكميم والذبح والقتل ، فالغربان بدأت تبني أعشاشها





2012/03/27

وللتاريخ في ناسه شؤون


سفيان بن معاوية بن يزيد بن المهلّب بن أبي صفرة ، وهذا ليس حلاَ لأحد أسئلة برنامج من سيخسر المليون ، أو برنامج حظّك يا أبو الحظوظ للفنان الراحل نهاد قلعي ، فالإسم هو أقلّ شهرة حتى من شتربة الثور الأحمق وصديقه بندبة ، فكيف لو أردنا مقارنته بكليلة أو دمنة .
أمّا المنصور الأكثر شهرة من سفيان بن معاوية ، فقد كان ابن معاوية والي المنصور  على البصرة ، والمنصور هو أمير المؤمنين المنصور من الله، أي هو الخليفة العباسي الرابع الذي حكم ثلاثة أرباع العالم ودرسونا إياه في مدارسنا كما درسونا الوحدة والحرية والإشتراكية  والرسالة الخالدة، ولم يبقى في أذهاننا لا منه ولا من القومية إلا أصوات السكاكين والسيوف الأخوية والتكبير
عبد الله بن المقفع يعرفه صغيرنا وكبيرنا وقلة من لم تسمع  به أو بأبطاله المذكورين أعلاه من الحيوانات الأليفة وغير الإنسانية
ألف ومئتان من السنوات مرّت، ومرّ معها الكثير من أمثال سفيان وخليفته ، ومحت السنين أسماءهم المكتوبة على رمال التاريخ
وما زال ابن المقفع يشع بأحرف من نور العلم والمعرفة والحكمة في قلوب و عقول الصغار قبل الكبار
يقول التاريخ الذي كتبه أصحاب سفيان والمنصور، إن المنصور طلب من سفيان (رضوان الله عليهما ) أن يخلصه من هذا الزنديق الكافر المارق ، وكان له ما أراد ، قبض عليه وأمر أن يصنع له تنّور في  قصر الوالي ، والتنور ليس لباس يلبسه الذكور أي ليس مذكر للتنورة التي ترتديها النساء
فالتنور ما يُخبَز فيه الخبز والطعام ، إذاً أمر سفيان بتنور ، ثم أمر بابن المقفع ، فقُطِّعت أطرافه عضواً عضواً وهو يلقيها في التنور (هو أي سفيان رضي الله عليه وعنه ) منتشياً طرباً لهذا الفعل  متأكداً من دخوله الجنة من أوسع أبوابها ... وهكذا حتى أتى على جسده كلّه في التنّور
أبقى لنا التاريخ  عبدالله بن المقفع واحترق سفيان لولا إحيائي له الآن فسبحان من يحيي العظام وهي رماد
بقي في عقولنا شتربة وكليلة ودمنة وبقي صانعهما ابن المقفع ، ومحت غبار الزمن المنصور وواليه على البصرة سفيان بن معاوية. 
وللحرق متعة لا يشعر بها إلا أولياء الله ومنصوروه
وللتاريخ في ناسه شؤون
وكذبو عليي بالتاريخ وطلعت الكذبة فيي