ويا لطيف الأدب العربي شو عوّيص

"فيها افتتح سعيد بن العاص طبرستان في قول الواقدي وأبي معشر والمدائني ، وحدثنا ابن كثير في كتابه البداية والنهاية وفي الجزء العاشر منه، الصفحة 232 في عرضه لأحداث سنة ثلاثين من الهجرة النبوية

قال : هو أول من غزاها . وزعم سيف أنهم كانوا صالحوا سويد بن مقرن قبل ذلك على أن لا يغزوها على مال بذله له إصبهبذها . فالله أعلم . فذكر المدائني أن سعيد بن العاص ركب في جيش فيه الحسن والحسين والعبادلة الأربعة وحذيفة بن اليمان ، في خلق من الصحابة ، فسار بهم فمر على بلدان شتى ، فصالحوه على أموال جزيلة ، حتى انتهى إلى بلد بمعاملة جرجان تسمى طميسة على ساحل البحر ، فقاتلوه حتى احتاجوا إلى صلاة الخوف ، فسأل حذيفة : كيف صلى رسول الله ، صلى الله عليه وسلم ؟ فأخبره ، فصلى كما أخبره ، ثم سأله أهل ذلك الحصن الأمان ، فأعطاهم  . على أن لا يقتل منهم رجلا واحدا ، ففتحوا الحصن فقتلهم ( جميعاً) إلا رجلاً واحدا"

وهنا انتهى الإقتباس

وأمّا العبادلة فهم : عبدالله بن عمر بن الخطاب ، وعبدالله بن عباس  ابن عم رسول الله (ص) ، وعبدالله بن الزبير ، وعبد الله بن عمرو بن العاص ، رضي الله عليهم أجمعين 
والحسن والحسين ابنا الإمام علي رضي الله عليهم أجمعين .
أمام كل هؤلاء الصحابة استطاع الصحابي الجليل سعيد بن العاص أن يقدم  لنا  درساً في الفصاحة و التلاعب اللغوي ( حين أعطى لأهل طميسة الأمان مؤكداً لهم على أن لايقتل رجلاً واحداً ، وبرّ بوعده وترك ذلك الرجل وحيداً وأعمل سيفه في رقاب الجميع إلاّ هذا (الرجل الواحد ) وطمسهم وطمس طميسة إلاّ واحداً .
ويا لطيف الأدب العربي شو عوّيص 
اسئله لابد منها عند قراءة التاريخ 
- هل هذا الزمن الذي يريدنا الإخوان المسلمين والسلفيين أن نرجع إليه ، وهل هذا زمن السلف الصالح ؟؟؟!!
- في أي كتاب تاريخ قرأ غوستاف لوبون حتى استنتج أن التاريخ لم يعرف فاتحاً أرحم من العرب ؟؟؟!!
-هل أنا انتقائي في قراءتي للتاريخ ، فأقوم بالبحث عن هذه الأحداث كمن يبحث عن إبرة في كومة قش؟! وهل هذه حادثة فردية وفريدة في تاريخ العرب أم هذه الحادثة الأكثر تكراراً ولنا في فتح حصن ألّيس التي ذكرتها سابقاً أسوة حسنة ، ولم يذكر التاريخ أن أحد من الأسماء الكبيرة التي كانت بصحبة سعيد بن العاص قد اعترض على هذا الفعل وهذا يدل على أنّه الفعل العادي 
- هل ما يحصل اليوم في مينامار فعل عادي ولكنه معكوس  حيث تبادل الفاعل والمفعول به مواقعهما ولذلك وقف فاعل الأمس ومفعول اليوم متفرجاً باعتبار فعل القتل الجماعي مبرراً كائناً من كان الفاعل أو المفعول به
- ما ينتشرمن أفلام قطع الرؤوس وتعليقها على الأبواب في سوريا هو إيذاتاً بعودة الفتح وعودة زمن السلف الصالح وهذه أولى علائم العودة المنشودة ؟؟؟؟؟؟؟
؟؟؟؟؟؟؟
؟؟؟؟؟؟؟
 وبتسألوني ليش عم أبكي والعقل كلّو جراح

-

أمين الريحاني أول مدرسة وأوّل استاذ

 أول أستاذ دخل علينا ، في أول مدرسة كان الإستاذ القدير والصديق العزيز اليوم ،الأستاذ عزيز عبيد ، بقدر ما كانت قامته طويلة بقدر ما كنت أشعر أنّه يعانق السماء ، من الأشياء الأكثر تقديراً له انّه كان مع المرحوم أخيه الإستاذ سمعان عبيد لا يتركان الصف الأول ، وكانت  الفرصة أو الإستراحة بين الدروس تشمل كل مافي المدرسة من الطلاب والأساتذة والموظفين إلا هما ، فكان  كل منهما يقضي هذه المدة ببذل جهد مضاعف ليرسم  خطوطه الملونة الجميلة على السبورة ، وأمّا استاذ الرياضة والصديق العزيز اليوم الأستاذ فهد عجايقي فلا يقل عنهما همة ونشاطاً في هذا الوقت بمراقبة جميع الطلاب للحفاظ على باحات المدرسة وملاعبها وأدواتها
كنتم كباراً وما زلتم في مخيلتنا وما زالت رؤوسكم تعانق السماء ، بمجهودكم مع زملائكم في مدرسة أمين الريحاني وباقي مدارس محردة أصبحت اليوم هذه البلدة منارة من منارات العلم
نتذكر من غادرنا بجسده  عربون محبة وإجلال  وليبقى ذكره مؤبداً بالنسبة لنا على الأقل  ، ومن ما زال معنا لنقول له:

 معنا بعدك وبتضل معنا

 ما دام للحب بين الناس  معنى

لكل معلمين سوريا كل عام وأنتم بخير

لكل المعلمين

 الأستاذ عزيز عبيد 

الإستاذ منير موسى الخوري 

الإستاذ موسى درغام سلوم

الإستاذ ابراهيم جربوع 

الإستاذ فهد جراد أبو عماد

الإستاذ حبيب ابراهيم يعقوب

الإستاذ يوسف جرجي عزوز

الإستاذ فهد عجايقي

للأموات  منهم الرحمة والذكر الحسن ، وللأحياء المحبة والإحترام وطول العمر ، هذه أسماء من كنّا نجلهم ونحترمهم رغماً عنّا ، وهم من علّموني في المرحلة الإبتدائية ، في مدرسة أمين الريحاني ، وأصبحوا من أعزّ وأهم الأصدقاء ، وهم من طليعة من صنع محردة بلد العلم والحب والسلام والحياة ، وجعلها درّة عصرها وفريدة زمانها

الإستاذ فهد فرنسيس - رياضيات 

المعلمة نديمة جروان 

المعلمة نديمة أصبح

المعلمة جميلة الحاج

المعلمة نجود نايف

الأستاذ محفوض نجار ( عايد )

الإستاذ ابراهيم خوري 

الإستاذ نادر يعقوب

الأستاذ المرحوم عبد الكريم زرزور

الأستاذ ابراهيم حاصود

الأستاذ ميخائيل نجار - رياضيات

الأستاذ حنا يوسف سلوم

الأستاذ محفوض حميش

الأستاذ نديم قشوة 

الأستاذ سمعان شموط 

الأستاذ فايز شموط

الأستاذ المرحوم أدوار لباد

وكل من مدراء المدارس والإداريين السابقين
المرحوم الإستاذ الياس قاورما ، الإستاذ عزيز يعقوب ، الأستاذ فريد عجايقي ، الأستاذ وليد نجار ، المرحوم الإستاذ محفوض غنّوم ، الأستاذ المرحوم شحود رحال ، الأستاذ فهد فرنسيس أبو منقذ ، الأستاذ بهيج عوش
وكل من علّمني حرفاً في هذه الحياة
ومن صادقت من مدرسين أو من أصبح مدرساً من أصدقائي : محفوض أيوب ، سهيل الفاضل ، فايقة حاصود ، سعاد حاصود ، وليد فرنسيس ، بسام زروف ، غادة عفور ، مها عفور، فادي جمعة
وكل أساتذة  ومدرسن محردة الأبطال في الزمن الصعب ، والذين أصرّوا أن يكونوا أبطالاً رغم عمليات الخطف التي تعرض لها البعض ورغم التهديدات التي كانت تتوالى عليهم ، معلمات محردة في ريف المحافظة : كنتنّ بطلات  مرحلة الأزمة السورية
لجميع من ذكرت ومن لم أذكر من المعلمين : كل عام وأنتم بخير

شَوْقِي يَقُولُ وَمَا دَرَى  بِمُصِيبَتِي

                       قُمْ لِلْمُعَلِّـمِ وَفِّـهِ التَّبْجِيــلا

اقْعُدْ  فَدَيْتُكَ  هَلْ  يَكُونُ  مُبَجَّلاً

                       مَنْ كَانِ  لِلْنَشْءِ  الصِّغَارِ  خَلِيلا

وَيَكَادُ   يَفْلِقُنِي  الأَمِيرُ  بِقَوْلِـهِ

                       كَادَ  الْمُعَلِّمُ  أَنْ  يَكُونَ  رَسُولا

لَوْ  جَرَّبَ  التَّعْلِيمَ  شَوْقِي  سَاعَةً

                       لَقَضَى  الْحَيَاةَ  شَقَاوَةً  وَخُمُولا

حَسْب  الْمُعَلِّم  غُمَّـةً  وَكَآبَـةً

                       مَرْأَى  الدَّفَاتِرِ  بُكْـرَةً  وَأَصِيلا

خذوا إنسانيتكم واتركوا لنا كلبنتنا

بينما كنّا نتداول ما يجري في بلدنا الحبيب من أحداث جسام ونقلّب شاشة الإلكترونية بشكل عبثي ، استوقني مشهد كلبين يمسك أحدهما بعنق ابن جنسه ويمرمغ به الإرض ، فعلت وجهي ابتسامة مشرقة بالأمل ، فاستغرب مضيفي هذه الإشراقة في وجهي ، وتساءل عن السبب فقلت له : لقد أعاد المشهد التلفزيوني بعضاً من ثقتي بالإنسان والإنسانية بعد أن فقدتها نهائياً لما استنتجته من مواصفات وميزات لا تتوفر إلاّ  في الإنسان والإنسانية ، كقتل بني جنسه والتمتع بمسيل دمه ، وقد كنت أظنها صفة مميزة للإنسان ، ولكن هذه الكلاب تجعلنا قدوة لها وتحاول أن تنافسنا في إنسانيتنا .
نظر إليّ بسخرية وقال لي : تطمّن يا صديقي لا أحد يستطيع أن ينافسنا في هذا المجال ، وإن ما رأيته عبارة عن مباراة من تدريبنا وإخراجنا ، فنحن من علّم الكلاب أن تتصارع بمنتهى الإنسانية حتى يجري دمها ، هذه الكلاب درّبها الناس لتقوم بفعل ينافي طبيعتها الكلبية وفطرتها ويناظر إنسانية من دربها . فقلت
لماذا لا يحافظ الإنسان على إنسانيته أو يستورد بعضاً مما لدى الحيوانات من حيونة ، أو لماذا لا يترك للكلاب كلبنتها وللحمير حمرنتها ويحلّ عن الحيوانات
ومرّت أما ناظريّ مظاهرة كلابية  صامتة ترفع لافتة كتب عليها

خذوا إنسانيتكم وارحلوا ، ودعوا لنا  كلبنتنا 

عودة الفاتحين

عودة الفاتحين

وقال خالد: اللهم لك علي إن منحتنا أكتافهم أن لا أستبقي منهم أحدا أقدر عليه حتى أجري نهرهم بدمائهم،

 ثم إن الله عز وجل منح المسلمين أكتافهم، فنادى منادي خالد : الأسر الأسر لا تقتلوا إلا من امتنع من الأسر، فأقبلت الخيول بهم أفواجا يساقون سوقا، وقد وكّل بهم رجالا يضربون أعناقهم في النهر، ففعل ذلك بهم يوما وليلة ويطلبهم في الغد ومن بعد الغد، وكلما حضر منهم أحد ضربت عنقه في النهر وقد صرف ماء النهر إلى موضع آخر، فقال له بعض الأمراء: إن النهر لا يجري بدمائهم حتى ترسل الماء على الدم فيجري معه فتبر بيمينك، فأرسله فسال النهر دما عبيطا فلذلك سمي نهر الدم إلى اليوم، فدارت الطواحين بذلك الماء المختلط بالدم العبيط ما كفى العسكر بكماله ثلاثة أيام، وبلغ عدد القتلى سبعين ألفا

وكان كل من قتل بهذه الوقعة يوم ألّيس من بلدة يقال لها: أمغيشيا، فعدل إليها خالد وأمر بخرابها، واستولى على ما بها، فوجدوا بها مغنما عظيما، فقسم بين الغانمين فأصاب الفارس بعد النفل ألفا وخمسمائة غير ما تهيأ له مما قبله

وهكذا يا سادة يا كرام برّ سيف الله المسلول الصحابي الجليل خالد بن الوليد بيمينه للرحمن الرحيم الذي سلّمه أكتاف الكفرة ، كما حدثنا ابن الأثير في الجزء السادس من البداية والنهاية عن فتح الّيس

وهكذا أصبح سيف الله المسلول مثلاً يحتذى به في الشام والعراق وبلاد الكفار ، فالرؤوس تطير والمدن تنهب والنساء تُجرُّ سبايا ، والمؤسسات والمعامل تحرق وتنهب 

أمين الريحاني مو مدرسة وبس

رغم أننا نبكي من سنتين ، وغالبا لا نعرف السبب ، هو العجز ، الحزن ، الحب ، وربما كل تلك الأسباب .
في هذا الصباح ، اختلط الفرح بكل تلك الأسباب السابقة  بسبب رسالة على الأنترنيت أرسلها لي أحد أبناء ضيعتنا (فأنا أحبها هكذا ضيعة )  فأعادت هذه الرسالة خلط كل شيء في رأسي
الشجرتين اللي كانوا متل هالأيام تعجق الحارة بريحتون ، واللي كانت كل شجرة منّون نستخدمها عارضة للمرمي وتشارك حجر كعارضة تانية ، طاولة البينك بونك العتيقة ، اللي كان فيها بقعة مو مليحة وردة فعل الكرة عليها بتكون ضعيفة ، الحبلين المعدنيات فوق ملعب السلة اللي حاملين  لمبات إنارة الملعب ومحمية بطناجر من قيشان ، بيض من جوّا وزرقا من برّا ، أي بهديك الأيام من أربعين خمسين سنة كان ملعب السلة بمدرستي منوّر ، وملعب مدرسة الأخطل الصغير  كان منّور ، باب المدرسة الغربي اللي كان متل قضبان السجن بالشكل بس كان إلنا قضبان حرية ، لن المسافة بين القضبان كافية على أنّا نسرب أجسادنا بيناتها ونصير بقلب المدرسة بعد الدوام أو بالعطللات ، الباب الجنوبي اللي كان ما ينقفل لأنّو الدهر أكل عليه وشرب ، والجدار اللي جنب الباب اللي حفرناه من شان نتسلق الحيط للداخل بعد ما تسكر الباب الشرقي أضافو صف محلّ الباب ، بو ابراهيم آذن المدرسة (أبو ابراهيم المرديج ) يقعد جنب الباب وعصاتو بإيدو  ......
جزء من رسالة الصديق :(أصدقاء مدرسة أمين الريحاني
تقديراً لدور مدرسة أمين الريحاني في حيّنا الشمالي، وتقديراً للعلم، ودوره في نهضة الشعوب، وما قدّمته هذه المدرسة لنا ولأولادنا، 

رغبنا أن نتوجّه لدعم هذه المدرسة، مادياً ومعنويّاً، بما يحقق هدفها، قاصدين أن تبقى نوراً، يزداد بريقاً وإشعاعاً في دعم الفكر والعلم 

والأدب والحياة، في مجتمعنا المحرداوي ووطننا سورية...
هاي مش مدرسة ، بيت وحارة وملعب وضيعة  ... ووطن

مخبر صحياسي

حُمير: دخلك شو تحليلك  للإحداث الراهنة بهاللحظة التاريخية اللي عم يمر فيها العالم العربي ، ولوين رح تاخدنا هالإنعطافة التاريخية

جُحَيش : أنا شايف متلها متل غيرها غيمة وبتمر
- بس المرّة غير ، ممكن تكون هالغيمة ماطرة
- من أيمتى ما كان في احتمال أنّو تكون الغيمة ماطرة
- لا لآ ... المرّة غير  ، شو كإنك مو قريان اللحظة التاريخية صح يا صديقي نحنا اليوم أمام انعطافة تاريخية هامة .. المرّة أكيد غير
- أنا ما بدي اقرا ولا بدي حلّل ... ولا حرّم كمان ، لأني من يوم خلقت ونحنا بنمرّ بانعطافات ولحظات تاريخية ، صار معي تخمة بالإنعطافات التاريخية يا أخي
- بس ضوروي نحلل الوضع صح ، لنعرف  على أي حيط بنسند  ضهرنا
- لا تخاف نحنا معشر الحمير كتير ضهرنا بيشيل ومنتحمّل كتير 
- ما اختلفنا بس لازم نعرف شو اللي عمبيصير 
- بسيطة  بدك تحلل رحلك على شي مخبر بيطري
- شو بيطري  ما بيطري
- لوين يعني بيروح الحمار اللي بدو يحلل
- بدّي تحليل سياسي أعرف شو عمبيصير
- دخلك... ليش المخبر الطبي شو بيحلل ؟
- ببحلّل دم ،
- بيحلل بول ؟ 
- أي بيحلّل بول.
- بيحلل خرا ؟
- أي بيحلل
- إذاً بيحلل سياسة
- كيف كيف؟؟؟؟
- مو عم بتشوف معظم المحللين اليوم عالفضائيات بس يحللو عم تطلع روائح زنخة مع التحاليل , يعني متلون متل تحليل المخبر اللي بيحلل بول وبراز ، والمشكل ما عم نعرف هون الريحة هاي من المحلل أم من المواد اللي عم يحللها

ربيع الحمير

حُمَير : شوف يا أخي الوضع ما عاد ينطاق ، بيبيعو شعبو لأمريكا ، لإسرائيل  . يصطفلو شعبو وحرين فيه ، بطيخ يكسّر بعضو

جُحَيش : إذا مفكرين أنّو نحنا الحمير رح نسكت  بيكونوا غلطانين

حمير : وإذا مفتكرين يورطونا بالتسليح كمان بيكونوا غلطانين

جحيش: وإذا مفتكرين أنو  ما رح توقف معنا  كل حمير الأمة كمان بيكونوا كتير غلطانين

- : وإذا مفتكرين أنو نحنا الحمير ما رح نحقق وحدة أمة الحمير من الماء للماء أيضاً بيكون مو مقدرين الحمير حق قدرها

- :أصلاً ما عنّا شي يفرقنا متل البني آدميين

- : نحنا هون ولدنا وهون ربينا ، وتعودنا على حشيش الوطن

- : وحشيش الوطن تعود علينا

- :أغبى من البشر مافي ، بدّون يبيعونا لدول معادية

-: قال شو بدون يعملو تجارب طبية لتحصيل أدوية بشرية سرطانية من جلد الحمير

-: قلتلك أغبي من البني آدميين مافي ، إذا جبرونا نترك البلد وباعونا لأعداء بلدنا ، رح يسلخو جلدنا للتجارب وبيرجعو ببيعونا لبلدنا الأصلي على أساس لحم غنم ، وهيك بيكونو اشترونا حمير  وباعونا  بقر

-: متل ما بتعرف بيكون ارتفع سعر الحمير وصار بسعر البقر ويمكن أكتر 

- : أيامنا يا أخي  ، حدا بيقللك مو ربيع الحمير

لوين ؟؟؟؟؟؟ رايحين

جُحيش :  يا صديقي حمير , برأيك لوين رايحين بهالمعمعة وهالعرعرة

حُمير   :  يعني لوين بدنا نكون رايحين يا إلى جنان الخلود أو فجهنّم وبؤس المصير   
جحيش : فعلاً  حمار . حمار ومعتّق كمان وشبعان حمرنة ، يعني في شي حمار ما بيعرف أنّو لا توجد منطقة وسطى ما بين الجنة والنار
حمير   : إذاً ليش حضرتك عمتسأل إذا بتعرف أنّو كل جحش بيعرف أنّو لا توجد منطقة وسطى ما بين الجنة والنار
جحيش : الحق  عليّي ... بعرف إنّي عم أحكي مع حمار  ولازم وضّح السؤال
حمير   : إي ها هيك الحكي وضّحلي السؤال
 جحيش : المقصود لوين رايحين بهالمعمعة والعرعرة هل سنصل إلى دولة علمانية أم دينية ؟؟
حمير    :أي ها هيك بيسألو الحمير الفهمانين اسمع يا أخا الحمرنة
            أظنّنا حتماً إلى دولة دينية واضحة تماما ولا ريب في ذلك فالجميع مع الله والله مع الجميع

جحيش : ومن أين لك بهذا التحتيم واليقين
حمير   : واضحة تماماً مو شايف حضرتك أنّو الله  وسوريا هما  القاسم المشترك الأكبر بين الموالاة والمعارضة

 الله سوريا بشار وبس               

الله سوريا حرية وبس

جحيش : مع احترامي لرأيك وهاي كلمة ( بس )اللي قد  دنبك وين راحت شو ما شايفها واللّا ما بدك تشوفها لا هيّي ولا الطرف التالت اللي                 
           لا مع أول بس ولا مع تاني بس 
حمير : الطرف التالت هنّي مع الطرفين وضد الطرفين  وقاعدين ينتظروا فرج الله ورحمتو وبالتالي الله قاسم مشترك للكل
جحيش : بفهم من كلامك أنّو لا يمكن نكون رايحين على دولة علمانية
حمير  : علمانية ؟؟؟؟ شو كأنّك ما سمعت بالمثل اللي بيقول انّو الحمار بيضرب بالحيط  مرّة أو بيوقع بالجورة مرّة
جحيش : وشو جاب المثل للموضوع
حمير   : بدّك تخليني صير سلفي وأرجع معك لورا وفسّرلك ليش فشلو أسلافنا بقيام  دولة الوحدة والحرية والإشتراكية
جحيش : وليش فشلو بقيام الوحدة والحرية والإشتراكية
حمير  : بسلامة فهمك , الوحدة بدها شعب وحدوي مو كل واحد على حالو لأنو واحد زائد واحد بعلم الإجتماع العربي يساوي واحد لا يساوي اتنين , والإشتراكية مو أنّو البعض يشارك الكل بكل ماعندون ، والحرية مو أنّو هذا البعض حر بجمع  الأموال بكل الطرق غير الشرعية , والعلمانية بدها ناس علمانيين ومن وين بدك تعمل دولة علمانية بدك كتير لتعمل شعب علماني ما إلك  غير الصلاة والطلب من الله أنّو يتحول هالشعب لشعب علماني بأمر إلهي وغير بأمر إلهي لايمكن نوصل للعلمانية

شهداء الحب في عيد الحب في بلد الحب

شهداء الحب في عيد الحب في بلد الحب

 - من محردة ...
 تتغير فوراً  أحاسيس محدثك عندما يسمع جوابك لسؤاله المعتاد عندما بلتقي إثنان ببعضهما للمرة الأولى ، وغالباً ما تتلاحق أسئلة محدثك بتواتر سريع يريد معرفة المزيد عن لغز صعب يسمّى محردة ، وغالبا ما يكون السؤال الثاني

- كم عددكم ؟؟؟؟

- أقل من عشرين ألف  ,,,, 

 ( تعيرنا أنّا قليل عديدنا        فقلت لها إن الكرام قليل  )

تتغير ملامح محدثك غير مصدق أن هذه البلدة ، بل الضيعة ، التي تملأ الدنيا ،وتشغل الناس  لا يتعدى عدد سكانها العشرين ألفاً 

- بماذا تشتغلون  ، وكيف تعيشون  ؟؟؟؟

 في سوريا  من لم  يسمع بمحردة فليس من سوريا ، فمحردة ليست من أنجب غبطة البطريارك أغناطيوس الرابع هزيم رحمه الله  فحسب، وليست من أنجب غادة شعاع فحسب ، فكل أبنائها متميزين 

لن أطيل ،،، 

أين تقع بلدتك في سوريا إحكي لنا عنها ؟؟؟؟؟  كان السؤال الذي يتلوه علي الكثير عندما سافرت إلى الخليج ، وبالأخص ممن يعملون معي في من العرب والسعوديين 

أنظر إليهم أهز برأسي وأقول

- إيييه ، ماذا أقول لكم  ، أختصر الحديث ، أخاف أن يضحكوا إن كلمتهم عن متعة  الأشواك على أطراف ملعب الكرة وهي تنغرس في رجليك الحافيتين ، كيف أستطيع أن أختصر بلدتي بكلمات ... أصمت وتسقط منّي ابتسامة مع ذكريات جميلة 

في أحد الأيام  أخطأ أحد الزبائن حين ظن أنني من لبنان ، وبدأ بالثناء على لبنان واللبنانيين وحال بلادهم وذوقهم الرفيع وأنا أراقبه وجميع من في مكان العمل ينتظرون نهاية حديث  الخليجي الثري ، ليسمعو جوابي عليه . ولما انتهى قلت

- صحيح أنا من بلد هي الأجمل والأروع وسكانها من أفضل الناس علما وحسناً وذوقاً وأدبا ، ولكنني ليست لبنانياً  ، من ضيعة صعيرة في سوريا أظن بأنك لم تسمع بها من قبل يا سيدي 

نظر الرجل في عيني وكأنه يقرأ  عنواني في عينيّ وقال لي 

- لقد عرفتك من  لغتك  ألست من محردة 
وحين نطق الإسم وقف زملائي في العمل مدهوشين لذكره الإسم

  وحين غصصت وانحبست  في عيني الدموع ؛ تابع محدثي السعودي حديثه : أي بالله نيالك يا أخي على هالبلد ، شو هالبلد وشو هالناس ، يا ريت كان في متل محردة وأهل محردة  ، أنا بسافر إلى سوريا لروح لمحردة 

- أوف أوف أوف . قال أحد الموجودين فأجابه المتحدث 

- صدّق أن هذه البلد لو زرتها مرة لما نسيتها في حياتك . ونادى  ولده الصغير 

- أحمد .. تعال يا أحمد .. متى تبي ( تبغي ) تروح محردة 

 قفز الولد الصغير في الهواء فرحاً

- الحين الحين الحين 

وعلمت أن أخوال الصغير من حماة

ولأن محردة كذلك فهي مستهدفة من قبل من استهدفوا  أبا العلاء المعري ، فهم يحبون الظلام ويزعجهم النور

حزين أنا على زهور محردة التي قطفت قبل أوانها في يوم من أيام الحب ، آملاً أن تعود كل أيام سورياً حباً كأيام محردة

شهداء محردة في يوم الحب ، هم شهداء الحب

لأهالي الشهداء وأهالي محردة الصبر والسلوان ، والموت حقداً لناشري الحقد والقتل

على كندا المحبوب ودّيني

عم ينتشر اليوم على صفحات التقاطع الإجتماعي خبر بيقول : اللي بيحب يهاجر ع كندا من السوريين والسوريين حصرا المتواجدين في الخارج (بلا معنى ) وبالأخص الناس اللي كان وجودون بالخارج  بمعنى أفضل من وجودون بالخارج البلامعنى

وفي أرقام هواتف للإتصال ، ومو المهم لوين نروح ، المهم نروح المشوار

بذكر بأواخر التمانينات طلعت هيك قصة ، وبينما كنت مقتبلاً (ماشيا باتجاه الجنوب ) مع  جاري سعيد بعد أن تمكّنت فينا المتة وبالقرب من دكان السوق القديم ماسمعنالم غير هالأصوات وهالضجيج وكأنه يوم الحشر ، فسألني صديقي

- سامع متل أنا مو سامع 

- طبعاً 

- كأنّو في إن بالموضوع 

- لافي إن ولا أخواتها ولا كأن وبنات عمها

- شو في 

- المرحوم أبو ابراهيم ( الغاوي ) جايب فرقة الطبالي تتدرب منشان الباعود

- لسّا تلات شهور عالباعود يا زلمة 

-يمكن المرحوم ( الغاوي ) بعد الإنتقال ع الآخرة صار عزمو أقل من أول بدو يبلش بكير بالتدريب منشان يلحق عالعيد

وهيك وهيك صرنا أمام الطريق النازل لبيت المرحوم ، ومن حسن حظنا كانت الجوقة طالعة من البيت شي خمس ست طعش واحد

استبقناهم وسألناهم

- شو القصة .... شو في يا شباب

- أوف .. أوف ما بتعرفوا شو في وين عايشين

- والله ما منعرف شو في قاعدين من طي**** الضو عم نغب متة 

- خليكون بغب المتة أحسن ( عم يسخروا منّا الشباب ) 

- طلع الولي ( في ولي " مزار " ) 

- ولك ياعمّي  الناس رح توصل كندا وأنتو بعدكون هون

- وليش وكيف وصلوا كندا

- السفارة الكندية عم تطلب شباب للهجرة لكندا وصار ضرب كف بالهجرة والجوازات

  طلعنا ببعض أنا وصديقي المتخلف متلي اللي ما بيعرف هيك خبر ومتلهي بجامعتو متلي وبشرب المتة في أوقات الفراغ  وسأني

- شو رأيك بهالقصة معقول

- طبعا معقول طلّع  بهالمساطر 

- شايف شايف  بس شو بدها كندا تعمل بهيك مساطر

- ثيران تشباية منشان يحسنوا النسل

واتجه الصديق باتجاه ثيران التشباية وسألون :

أي ومين بدو يروح على كندا ، وكأنك عم تسمع فرقة أوركسترا ، وكلون سوا : نحنا

طلع فيّي مبتسماً مىْ شدقيه وناطر منّي الجواب وأنا طلّعت بالشباب اللي كان مافي بيناتون ولا وحد تجاوز الصف التاسع ومعظمهم من جيلنا وما حدا عندو شغل وقلت

- يالله  ... اتكلوا والله معكون يا شباب وموفقين . طلعوا فينا بسخرية وسألنا واحد 

- ليشر أنتو مو مفكرين تروحوا على كندا . قلتلو 

يا أخي طالما أنتو رح تروحو على كندا رح تصير كندا متل هون وهون متل كندا بالتوفيق يا شباب ولا تنسوا حدا هون